Vina Morales says she was surprised people still like her tandem with Robin Padilla

Wala na diumanong mahihiling pa si Vina Morales sa kanyang showbiz career kahit marami ang nagsasabing hindi naging maganda ang kanyang pribadong buhay may asawa. “I couldn't ask for more because I got a lot of projects than in the past. How many years ko na rin sa showbiz, tapos nung mabuntis ako at nagbalik ako sa showbiz ay naging maganda naman ang pagbabalik ko at marami pa rin ang nagtiwala sa akin especially ABS-CBN, nandiyan ang ASAP XV ko every Sunday, tapos blessed pa ako sa pagkakasama ko sa Agua Bendita family ko na sobrang taas ng ratings now, sobrang happy na ako, blessings lahat ng ito, ano pa bang hahanapin ko, di ba?” sabi ng singer-actress.

Ayaw na daw sana ni Vina pagusapan ang tungkol sa ama ng kanyang anak. Masaya na da umano siya kay Ceana. “Well, privately, actually, ayoko na rin sanang napag-uusapan 'yan, pero sabi nga nila, tao lang din naman tayo, hindi naman tayo perpekto, may mga pagkakamali rin tayo sa buhay. Like what I always say na we're okay, may mga differences kami but when it comes to responsibilities especially kay Ceana, we're both there, ang hirap pala, but you know, si Ceana talaga ang light of my life ngayon, siya 'yung pinaghuhugutan ko ng strength ko, like kapag uuwi akong pagod, makita ko lang si Ceana at mayakap ko na, sobrang tanggal lahat ng pagod ko. Hindi ko na iniisip pa ang ibang bagay basta masaya ako sa piling ng anak ko, okay na ako du'n," bulalas pa ni Vina sa ABS-CBN.com.

Matagal-tagal na panahong hindi sila nagkita at nagkausap ni Robin Padilla. Ano naman ang kanyang reaksiyon nung magkita sila ni Robin sa daily noontime show na Wowowee when nag-guest siya? “My God,” bungisngis pa nitong tugon. “Ah...naloka ako sa hiyawan ng tao! ‘Di ba? Na-sorpresa rin ako pero wala na. Okay naman kami. In fairness, ibang-ibang Robin Padilla na ang nakita ko that day at kahit naman nung hindi pa ako nag-guest, alam ko namang he's doing well and good. Honestly, am very happy for Robin now at excited ako sa nangyayari sa kanyang showbiz career especially now that he's hosting Wowowee at nakita rin naman natin ang response sa kanya ng tao, 'yung mainit na pagtanggap sa kanya and everything. Grown-up and matured naman na kaming pareho," aniya.

Nakahanda na ba si Vina Morales sa posibleng pelikulang pagsasamahan nilang dalawa ni Robin Padilla at this point in time? “Oo naman! We're okay now. Nagkausap na kami at nabanggit niya nga sa akin 'yan before! Why not! Wala namang problema sa amin, sa akin din. We're looking forward to do a movie together kasi marami rin naman ang nagsasabi na sa amin na gumawa ng pelikula together, wala naman akong nakikitang magiging problema na if ever...sana...matuloy!”